Офис, туьквен ва я маса чка яшамиш жедай кIвализ элкъуьриз жеда, эгер анаг технический, санитариядин ва цIаяр кьунин къайдайриз тамамвилелди жаваб гудай гьалда аваз хьайитIа.
Мадни, гележегда кIвализ элкъведай чка лазим кьадар экв ва дуьз вентиляция авайди хьун герек я. Ихьтин арзаяр кьилдин ксаривайни, хсуси карчийривайни, идарайривайни вугуз жеда.
МФЦ-диз арза вугудайла, ихьтин документар гваз хьун герек я: паспорт (эгер идаради туькIуьрзаватIа, – тешкилатдин документар); ЕГРН-дай выписка ва я объектдин сагьибвал тестикьарзавай маса документар; чкадин (дараматдин) технический план (паспорт); цIийи жуьреда туькIуьр хъувуниз талукь проект (эгер офис яшамиш жедай кIвализ элкъуьрун патал эцигунрин кIвалахар кьиле тухун лазим яз хьайитIа).
«Лезги газет»
