Кьиблепатан Дагъустандин муниципалитетри Украинада кьиле физвай махсус серенжемда иштиракзавай аскерриз мукьвал-мукьвал недай-хъвадай суьрсет, яшайишда герек къведай жуьреба-жуьре затIар рекье твазва, алакьдай куьмекар гузва. Мукьвара СтIал Сулейманан районда нубатдин сеферда ихьтин серенжем тешкилнавай.
Муниципалитетдин администрациядин пресс-къуллугъди хабар гузвайвал, недай-хъвадай суьрсет авай 20 кьвати СВО-дин иштиракчи Багъиш Бабаевав вахкана. Гьуьлуьн пияда кьушунрин бригадада къуллугъзавай ам и йикъара куьруь рухсатдиз хайи райондиз хтанвай.
Суьрсет кIватIунин карда райондин образованидин идарайрин коллективри, «Движение первых» ва «Волонтеры Победы» гьерекатрин векилри иштиракна.
Аскердив СВО-дин иштиракчийрив агакьарун патал кIватIнавай затIар СтIал Сулейманан райондин кьилин заместитель Абдуталиб Фатуллаева вахкана. Ада муниципалитетдин кьилевайбурун патай СВО-дин иштиракчийрив саламар агакьарун тIалабна ва элкъвена хайи ерийриз сагъ-саламат яз, гъалибвал гваз хтун алхишна.
Чи мухбир
