31 ДТП

Дагъустандин МВД-дин Госавтоинс­пекцияди хабар гузвайвал, 17-августдилай 23-августдалди республикадин рекьера 31 авария хьана. Абурун нетижада 5 кас кьена, 48-дал (абурукай 7 аялар я) жуьреба-жуьре хирер хьана. 

Госавтоинспекциядин къуллугъчийри машинар гьалзавайбуруз рекьера гьерекат авунин къайдайрал амал авуниз, мукъаятвал хуьниз эвер гузва. 

ЧукIулдив яна

Каспийск шегьердин полициядин къуллугъчийри инсан рекьиз кIан хьунай шак физвайди тайинарна. Идакай РД-дин МВД-дин пресс-къуллугъди хабар гузва.

21-августдиз тади серенжемар кьабулдай къуллугъчийри тайинарайвал, ChevroIet Monza машинда ацукьнаваз­, чкадин 16 йисан яшда авай агьалиди­ улакь гьалзавай, 70 йисан яшда авай Кас­пийскдин агьалидин гардандал чу­кIул­­дин хирер авуна. Таксистди вичел хирер авурдаз бегьем аксивал къалурна, нетижада адалай гьужумзавай жегьилдин гъиляй чукIул акъудиз алакьна. Яшлу агьалиди жегьилдин руфун адавай къакъудай чукIулдив яна. Абур кьведни азарханадиз агакьарна.

Силис кьур вахтунда шак физвайда­вай вичи чукIулдив ягъунин къаст вуч тир­тIа лугьуз хьанач. Тахсиркарвал авур чкадилай чукIул вахчуна. Полицейскийри кIва­тIай материал региондин силисдин комитетдиз вахканва. РФ-дин УК-дин 30-статьядин 3-паюнай (тахсиркарвилиз гьазурвал акун) ва 105-статьядин 1-паюнай (яна кьиникь) уголовный дело къарагъарнава.

Наркотикрин лаборатория дуьздал акъудна

Къумторкъала районда полициядин къуллугъчийри 17-августдиз «Мак-2026» серенжем кьиле тухунин нетижада наркотикрин лаборатория дуьздал акъудна.

58 йисан яшда авай чкадин агьалидин участокда авай куьмекдин къазмадай полицейскийриз канабдин 45 штил, марихуана цун патал къапар, чимивал твадай лампаяр, миянардай ва набата­тар гьасилун патал герек маса затIар жа­гъана.

Дуьздал акъудай вири затIар полициядин къуллугъчийри вахчуна. Тахсиркарвал авунай шак физвайди отделдиз хкана. Ахтармишун давам жезва. 

Чи мухбир