(Эвел - «Лезги газетдин» 2025-йисан 35, 37-40-нумрайра)

2-жуз: Имандикай

5-кьил: ТIуьн гун Исламдикай я. 

  1. 12. Абдуллагь ибн Амр асгьабди (Аллагь рази хьурай чпелай) хабар гузва: дугъриданни, са итимди Аллагьдин расулдивай (Аллагьдин патай салават ва салам хьуй вичиз) жузуна: «Исламдин гьи крар виридалайни хъсан (хийирлу) я?» Ада лагьана (мана): «Ваз чизвай касдизни, тийижир касдизни тIуьн гун ва салам гун» (Бухарий: 12).
6-кьил: Имандикай я: жуваз хьана кIанзавай шей жуван (мусурман) стхадизни хьана кIан хьун.
  1. 13. Анас асгьабди (Аллагь рази хьурай вичелай) хабар гузва, Пайгъамбарди­ (Аллагьдин патай салават ва салам хьуй вичиз) лагьана (мана): «(Тамам) иман жедач квекай садазни та адаз ­жуваз хьана кIанзавай шей вичин стхадизни хьун кIан жедалди». (Бухарий: 13).
8-кьил: Имандин ширинвал.
  1. 16. Асгьабди (Абу Гьурайради) (Аллагь рази хьурай вичелай) хабар гузва­, Пайгъамбарди (Аллагьдин патай сала­ват ва салам хьуй вичиз) лагьана (мана):­ «Пуд ери (сифет) ава - нихъ абур хьайи­тIа, адаз Имандин ширинвал жа­­гъида: адаз Аллагьни Адан расул амайбурулай вирибурулай виридалай­ни­ гзаф кIан хьун, са кас кIан хьун - ам кIан хьун анжах Аллагь патал ва адаз (вич) элкъвена кафирвилиз хтун такIан хьун - адаз вич цIуз вегьин такIан жедай жуьреда». (Бухарий: 16).

(КьатI ама)