Вичин ери-бине Игъиррин хуьряй тир, Хасавюрт райондин Къурушрин хуьруьн юкьван мектебда 45 йисуз ингилис чIалан тарсар гайи, алай вахтунда пенсияда авай Къазиева Незакет Эюбан рушаз:

Уьмуьрдин юлдашдиз

Уьмуьрдин рехъ – ­

ам финивай яргъи я,

Хтул-птул-штулри рехъ давамрай.

Йисалай-суз артух хьуй чи багърияр,

Регьятдаказ экъечIрай дар уламрай.

Яргъал йисар вун зи эрчIи гъил хьана,

Вафалу яз, тербия гуз веледриз.

Яр – далудихъ, зун хизандин кьил хьана,

Гьуьрмет авай хизан хьана эвледриз.

Багьа юлдаш, мубаракрай кьудкъад йис,

Веледрикай чи рикIериз регьят хьуй!

Мад алава хьуй ви яшдал пудкъад йис!

Начагъвилер, писвилер чаз кьегьят хьуй!

Ваз баркаллу 80 йисан юбилей мубаракзавай руш Cветлана, рухваяр Намик, Эдуард, Самир, 11 хтул,

8 птул ва,  гьелбетда, уьмуьрдин юлдаш тир зунни  –  Гьажи  Къазиев.