РД-дин Халкьдин Собранидин СВО-дин иштиракчийрин ва ветеранрин крарин рекьяй комитетдин председатель Абдулла Мегьамедова ва «Память гор» ДРОО-дин председатель Махач Шамилова санал кIвалахунин гьакъиндай икьрардал къулар чIугуна.
Парламентдин пресс-къуллугъди хабар гайивал, икьрарди дяведин махсус серенжемдин иштиракчийриз ва абурун хизанриз яшайишдин рекьяй гузвай куьмекдиз талукь государстводин сиясат уьмуьрдиз кечирмишунин карда кьве терефдин алахъунар сад ийида ва хъсан нетижани арадал гъида.
РД-дин Халкьдин Собранидин комитетдини «Память гор» ДРОО-ди акьалтзавай несилдиз ватанпересвилин тербия гунин кIвалах вилик тухуда. Ватандин итижар патал женг чIугур ва чанар къурбанд авур кьегьалар рикIел хуьнин кардиз кьетIен фикир гуда.
СВО-дин ветеранрин ва иштиракчийрин хизанрин итижар, ихтиярар хуьнин месэла гьар йикъан гуьзчивилик кутада. Икьрарда къалурнавайвал, СВО-дин иштиракчияр, абурун хизанар патал кIватIзавай мергьяматлувилин куьмекдин гьахъ-гьисаб санал ийида ва шейэр барабардаказ пайда.
Абад Азадов
