19-20-майдиз Тюменский областдин Лангепас шегьерда ХМАО-ЮРГА-дин кlвенкlвечивал патал ММА-дай 18-20 йисан яшда авай жегьил спортсменрин арада акъажунар кьиле фена. Идакай «Лезги газетдиз» lezgisport.com-ди хабар гузва.
Шадвилелди къейд ийиз кlанзава хьи, и акъажунра сад лагьай чкаяр лезги спортсменри кьуна.
Кьилди къачуртlа, 86 килограммдал кьван заланвилин дережада 1-чка Нефтеюганскдай тир лезги спортсмен Фахрудин Шихкеримова кьуна. 61 килограммдал кьван заланвилин дережада Имам Рашидова, 57 килограммдал кьван заланвилин дережада Сургутдай тир Загьир Къадиева 1-чкаяр кьуна.
Сад лагьай чкаяр кьур пуд лезги пагьливандиз и агалкьунар себеб яз ММА-дай Россиядин кlвенкlвечивал патал кьиле фидай акъажунра иштиракдай мумкинвал жеда.
«Лезги газет»
