Вини Хъартасрин хуьруьн бине кутур тайин вахт ва хуьруьн тIварцIин мана малум туш. Хуьр вини ва агъа магьлейрикай ибарат я.
1886-йисан переписдин делилралди, Вини Хъартасрин хуьре 111 майишат, 646 агьали (328 итим ва 318 дишегьли) авай. Вилик вахтара агьалийри гамишар, хеб-мал хуьзвай, багъманчивилин, лежбервилин кеспи кьилиз акъудзавай, такьатар къазанмишун патал шегьерриз кIвалахар ийиз физвай.
Чи девирда и хуьре 73 майишат ава ва тахминан 250-далай виниз агьалияр яшамиш жезва. Вини Хъартасар Уллу-Гъетягърин хуьруьн администрациядик акатзава.
Мурад Мегьамедкеримован
«СтIал Сулейманан район: тарихдин гелерай» ктабдай.
