Куркурхуьруьн бине кутур вахт малум туш. «Куркур» гаф, урус чIалаз таржума авурла, «колокольчик» лагьай чIал жезва.

1886-йисан переписдин делилралди, Куркурхуьре 53 майишат ва 320 агьали авай. А девирда гьар са майишатди государстводиз 4 манатни 75 кепек налог гузвай. Масаниз куьчардалди, хуьревай кIвалерин кьадар 60-дав агакьна.

Куркурхуьре Дунгъузар, КикецIар, ЧIахаяр ва ЦIенхъуьяр тIварар алай тухумар авай.

1960-йисара куркурхуьруьнвияр Герейханован ва ЦIийи Макьарин хуьрериз куьч хьана. Куьгьне хуьре алай вахтунда касни амач.

Мурад Мегьамедкеримован

«СтIал Сулейманан район: ­тарихдин гелерай» ктабдай.