Алай йисан сентябрдилай гатIунна, Дербент шегьердин жуьреба-жуьре мектебра лезги чIаланни эдебиятдин тарсар гузвай 6 муаллимдиз РД-дин Халкьдин Собранидин депутат, машгьур меценат Имам Яралиева арадал гъанвай мергьяматлувилин «Возрождение Дербента» фондунин патай гьар вацра стипендия гузва.

РикIел хкин, тIвар кьунвай фондуни алай йисан майдиз Дербент шегьердин мектебра­ тарсар гузвай лезги чIалан лап хъсан муаллимриз кIелунин 2026/2027-йисуз гьар вацра стипендия тайинарун патал «Дербент шегьердин лезги чIалан лап хъсан муаллим» махсус конкурс  кьиле тухванай. Тафаватлу хьайи 6 муаллим пулунин пишкешар ва дипломар гуналди къейднай. Гила абурув гьар вацра стипендия агакьда. 

Ихьтин конкурс гележегда гьар йисуз кьиле тухудай къарар кьабулнава.

Чи мухбир