И мукьвара Ессентукида регионрин арада студентрин футболдин милли лигадин кьилин дивизиондин турнир кьиле фена. Акъажунра иштиракай ДГТУ-дин командади галаз-галаз вад къугъуна гъалибвал къачуна.
Кеферпатан Кавказдин федеральный университетдин (Ставрополь шегьер) командадин винел – 4:2 гьисабдалди, СПбПУ-дин (Санкт-Петербург шегьер) винел 3:2 гьисабдалди гъалибвал къачуна.
Акъажунрин эхиримжи матч ДГТУ-дин командади КБГУ-дин (Кабардино-Балкария) командадихъ галаз кьиле тухвана ва абурун варариз дагъустанвийри 2 туп яна. Нетижада виридалайни гзаф халар ДГТУ-дин командадихъ хьана.
«Къугъунра викIегьвал къалурайбуруз, гьакIни вузда ва санлай регионда спорт еримлу ийидай мумкинвилер гузвай университетдин кьиле авайбуруз сагърай лугьуз кIанзава», — лагьана ДГТУ-дин командадин векил Эседуллагь Салагьова.
Чи мухбир
