Гориллайрикай итижлу делилар

.  Гориллаяр Африкада  яшамиш жезвай еке маймунар я.

.  Абур зурба къуватдалди тафаватлу жезва. Горилладик пагьливандин беден авай итимдилай 6-7 сеферда гзаф къуват ква.

.  150 килограммдин заланвал авай еке гориллайрин буй 2 метрдив кьван агакьда.

.  Муькуь маймунрилай тафаватлу яз, гориллаяр гъутар чиле акIуриз къекъведа.

.  И маймунар 30-дакай ибарат дес­тейралди яшамиш жезва. Абурун кьиле виридалайни яшлу ва акьуллу горилла акъваззава.

.  ЧIехи хьанвай горилладин мефт 600 кв. сантиметрдикай ибарат я.

.  Гориллайри шарагар сифтегьан пуд йисуз тамамдиз чпин къаюмвилик ку­тазва.

.  Сирнав ийиз алакьзаватIани, и маймунриз яд са акьван кIандач. Гьавиляй абуру марфар, юргъар авай чIавуз далдаяр жагъурзава.

.  И маймунар тIебиатда юкьван гьисабдалди 40-50 йисуз яшамиш жезва.

.  Са юкъуз гориллади тахминан 30 килограмм ем незва. ТIуьн жагъуруниз абуру суткадин муддатда 8 сят серфзава. Асул гьисабдай абурун тIуьн набатат­рикай ибарат я. Итижлу делилрикай сад ам я хьи, гагь-гагь абуру чепедин бязи жуьреяр неда. Ида абурун бедендик кьит жезвай тайин микроэлементар кутазва. 

.  Дуьньяда тахминан 175 агъзур горилла аваз гьисабзава.

.  Душмандал ацалтай дуьшуьшда гориллайри, кIевиз гъугъ ийиз, хур гатаз башламишда. И амалдалди абур душманриз кичIерар гуз алахъзава. Душманар лагьайтIа, и гьайванрихъ тIебиатда саки авач. Еке беден авайбур ва дестейралди яшамиш жезвайбур тирвиляй абурув вагьшияр саки агатзавач. Асул гьисабдай и маймунрин душманар лекьенар я.  

.  Ксанвай чIавуз гориллаяр са куьлуь вишришдин ванерини ахварай авудун мумкин я.

«Лезги газет»