Играми ватанэгьлияр! Алкьвадар Гьасанан тIварцIихъ галай центради ФЛНКА-дихъ ва мергьяматлувилин «Леки» фондунихъ галаз санал «Лезги Къуръан – гьар са кIвализ» серенжемдик кьил кутунвайдакай чна идалай вилик хабар ганай. Серенжемдин сергьятра аваз, лезги хуьрера, садакьа яз, диндин алим Ямин гьажи Мегьамедова гьазурнавай «Пак Къуръан ва адан манаяр лезги чIалал» ктаб пайдайвал я.

Тешкилатчийрин фикир и ктаб Къуръандин аятрин манаяр лезги чIалал кIелиз кIанзавай гьар са лезги хизандив агакьарун я.

Къейд ийин хьи, тIвар кьунвай­ ктаб чпихъ мумкинвилер авай, Аллагьдин рекье садакьа яз пулдин такьатар чара ийизвай чи кьегьал, жумарт ватанэгьлийрин­ такьатрихъ чапдай акъуд­зава. И карда мумкинвал авай гьар са касдивай иштиракиз жеда. Эгер кьилдин са касдиз вичин хайи хуьруьз хсуси такьатрихъ «Пак Къуръан­ ва адан манайрин таржума лезги чIалал» ктаб, чапдай акъудна, пайиз кIан­заватIа, ахьтинбурувай серенжемдин тешкилатчийрихъ галаз алакъадиз (нумра: 8928-584-16-72) экъечIиз жеда.

Алай вахтунда ктабар паюн­ къай­дадик кутунва. Гьар са лезги районда и кIвалах кьилиз акъуддай векилар ава ва абуру гьи хуьре гьи хизандив ктаб агакьнаватIа, гьисабдиз къачуда.

Эгер квез «Пак Къуръан ва адан манайрин таржума лезги чIа­­лал» ктаб гьавая къачуз, куь мукьвабуруз, чирхчирриз пайиз кIанзаватIа, агъадихъ галай нумрайриз зенг ийиз жеда.

Кьурагь районда – 8989-887-68-47 (Мугьаммад);

СтIал Сулейманан районда – 8928-969-37-98 (Мегьамедсалигь);

Мегьарамдхуьруьн районда – 8988-783-22-52 (Равид);

Ахцегь районда – 8928-831-54-90 (Бесир); 8928-554-70-86 (Алияр)­;

Докъузпара районда – 8963-688-11-08 (Руслан);

Хив районда – 8967-935-46-91 (Мурад);

Дербент районда – 8928-047-90-09 (Джами).

«Лезги газет»