19-20-майдиз Махачкъала шегьерда 2002-йисуз дидедиз хьайи ва идалайни гъвечlи яшарин, мектебра кlелзавай рушарин дестейрин арада РД-дин кlвенкlвечивал патал волейболдай акъажунар кьиле фена. РД-дин образованидинни илимдин министерстводи тешкилай акъажунрин макьсад мектебра кlелзавайбурун сагъламвал мягькемарун, акьалтзавай несилдин арада сагълам уьмуьр таблигъ авун, физический культура машгьур авун я.
И йисуз республикадин шегьеррин ва районрин 14 дестеди, гьа жергедай яз Кьурагьрин 1-нумрадин СОШ-дин «Лидер» дестедини иштиракна.
Къизгъин къугъунрин нетижада «Лидерди» пуд лагьай чка къазанмишна.
Сад ва кьвед лагьай чкаяр Махачкъаладинни Цlумада райондин дестейри кьуна.
Кьурагьрин дестедиз РД-дин образованидинни илимдин министерстводин патай грамота ва медалар гана.
«Лезги газет»
