16-июндиз Фёдор Щукина ЛДПР-дин центральный аппаратдин регьбердин сад лагьай заместитель Мария Воропаевадихъ галаз гуьруьш кьиле тухвана. Абуру Дагъустанда федеральный проектар кьилиз акъудзавай гьал веревирдна.
Дагъустандиз федеральный центради гузвай куьмекдин важиблувал къейд авуналди, Ф. Щукина алай йисуз кар алай месэла къати марфар къунин нетижада республикада арадал атай чIуру гьаларин судурар арадай ахкъудун тирди кьетIендаказ къейдна.
М.Воропаевади республикадин гьукумдин органриз партия меслятар ва пешекарвилин рекьяй герек жедай куьмекар гуз гьазур тирди лагьана. Идалайни гъейри, ада региондин гьукумдинни федеральный къурулушрин арада ачух суьгьбетар хьун важиблу тирди кьетIендаказ къейдна.
Малум тирвал, алай йисуз Дагъустанда милли 12 проект кьилиз акъудун фикирдиз къачунва. Селлерин, юргъарин нетижада арадал атай чIуру гьалар арадай акъудуникай рахайтIа, и жигьетдай республикада тестикьарнавай махсус пландин бинедаллаз кIвалах кьилиз акъудзава.
«Лезги газет»
