Алатай гьафтедин эхирра РАН-дин Дагъустандин ах­тар­мишунрин федеральный цент­радин ЦIадаса Гьамзатан тIварцIихъ галай чIалан, эдебиятдин ва искусстводин институтда лезги чIалан орфографиядин комиссиядин­ нубатдин заседание кьиле­ фе­на­. РД-дин Гьукуматдин Председателдин заместитель Нариман Абдулмуталибован ва тIвар кьунвай институтдин­ илимдин кьилин къуллугъчи­ Саимат Юзбеговадин регьбервилик кваз кьиле фейи мярекатда «Лезги газетдин»­ кьилин редактор Мегьамед­ Ибрагьимовани адан замес­титель Куругъли Фер­залиева иштиракна.

Гуьруьшдал веревирд­ авур асул месэла 1998-йисуз­ чапдай акъа­тай­ лезги чIалан ор­фографиядин­ къайдайрин­ своддик кухтун патал чIалан пешекарри ганвай теклифрихъ галаз алакъалу тир.

Нариман Абдулмуталибова къейд авурвал, своддик чIехи дегишвилер кухтунин игьтияж авач. Вице-премьерди пешекарри ганвай теклифар тупIалай авуна, своддин къайдадик квачир бязи чкаяр туькIуьр хъувуна, адан эхиримжи (яни дегишвилер кухтурдалай кьулухъ) вариант мад сеферда «Лезги газетда» чапун теклифна.

Алай вахтунда комиссиядин членри тахминан са гьафтедин къене чIалан пешекарри своддик кухтун патал агакьарнавай теклифриз къимет гуда. Нубатдин заседанидал абуру теклифрикай гьибур кьабулдатIа ва гьибур элкъуьрдатIа тайинарда.

Чи мухбир