Алай йисан 1-апрелдилай 31-октябрдалди Дагъустандин мулкара цIаяр кьунин вилик пад кьадай кьетIен къайда кардик кутада. Идан гьакъиндай РД-дин Гьукуматдин Председатель Абдулмуслим Абдулмуслимова талукь къарардал къул чIугуна.
Гьар йисан гатфар алукьай береда цIаяр кьунин вилик пад кьадай къуллугъри чIуру нетижаяр арадал атун тавун патал зирзибилдиз ва кьурай векьериз цIай ягъ тавун, спичкадин цIай кумай кьалар ва пIапIрусрин кьатIар гадар тавун, са гафуналди, цIаяр кьуникай хуьнихъ элкъуьрнавай къайдайрал кIевелай амал авун тIалабзава. Амма гатфаринни гатун вахтунда цIаяр кьунин дуьшуьшар тIимил жезвач. Ихьтин чIуру нетижайрал гъун тавун патал герекзавайди анжах са шартI я — мукъаятвал квадар тавун, чуьллера цIаяр хъувун къадагъа тирди рикIелай ракъур тавун.
Чна виликдайни хабар гайивал, цIухъ ва хаталувал авай маса чешмейрихъ мукъаятсуздаказ эгечIунай административный жавабдарвилиз чIугун къалурнава. Кьилди къачуртIа, агъадихъ галай кьадарда:
4 агьалийрал 10 000-далай 20 000 манатдал кьван;
4 жавабдар къуллугърал алай ксарал 30 000-далай 60 000 манатдал кьван;
4 карчивилел машгъул жезвай ксарал (юридический лицо тушиз) 60 000-далай 80 000 манатдал кьван;
4 тешкилатрал (юридический лицо) 400 000-далай 800 000 манатдал кьван.
Гьуьрметлу агьалияр! ЦIухъ галаз мукъаятвал квадармир, тахьайтIа ада еке бедбахтвилел гъида! РикIел хуьх: цIай хкадарунилай адан вилик пад кьаз регьят я. ЦIаяр кьунал гъун мумкин тир дуьшуьшрикай, гьакI чIуру дуьшуьш арадал атуникай, телефондин 8 (8722) 39-99-99 ва я 112 нумрайриз зенгна, хабар гун тIалабзава.
Чи мухбир
