Алай вахтунда Украинада кьиле физвай махсус серенжемда иштиракзавай дагъустанвийрин арада бине СтIал Сулейманан райондин Испикрин хуьряй тир Марсель Ислеманович Ризаевни ава. Алатай йисан гатуз женгера къалурай кьегьалвилерай гвардиядин старший лейтенант Ризаев гьукуматдин шабагь гуниз къалурнава.
2025-йисан 8-июлдилай 6-августдалди танкарин гвардиядин 1-полкунин мотострелковый батальондин гьужумдай ротадин взводдин командир Марсель Ризаева Харьковдин областдин Купянскдин райондин Кругляковка хуьруьн мулкара гьужумдин дестедиз виликди фидай мумкинвал таъминарна.
И йикъара гвардиядин старший лейтенантди мидяйрин минометрин ва БПЛА-рин гьужумрик, асул гьисабдай йифен вахтунда, вичел ихтибарнавай мулкара хаталу участокар минайрикай михьна ва, гьужумдин дестейриз рехъ ачухунилай гъейри, вичи регьбервал гузвай аскеррин дестени сагъ-саламатдиз хвена. 6-августдиз дяведин рекьяй ганвай тапшуругъ нубатдин сеферда тамамардайла, ада чинеба вич вилив хуьзвай «Ждун» дрондихъ галаз женг тухвана. Нетижада адан руфунал хер хьана.
И женгера къалурнавай кьегьалвилерай чи ватанэгьли Марсель Ризаев гьукуматдин шабагь гуниз къалурнава.
Чи мухбир
