24-мартдиз РД-дин Гьукуматдин Председатель Абдулмуслим Абдулмуслимова, уьлкведин регионри АПК-дин суьрсет маса гун патал къецепатан уьлквейриз акъудунин месэлайриз талукьарна, РФ-дин Гьукуматдин Председателдин заместитель Дмитрий Патрушеван регьбервилик кваз кьиле фейи совещанида иштиракна.
Дагъустандин премьер-министрди хабар гайивал, 2026-йисуз республикадин АПК-дин суьрсет Узбекистандин, Къиргъизистандин ва Азербайжандин базарриз рекье туна. Ада гьакIни хабар гайивал, алай вахтунда регионди алишверишдин рекьяй къецепатан са шумуд уьлкведихъ галаз амадагвилин алакъаяр хуьзва. Абурун жергейра Азербайжан, Белоруссия, Гуржистан, Индия, Иордания, Иран, Къазахстан, Къиргъизистан, Китай, Ливан, ОАЭ, Тажикистан, Туьркия ва Узбекистан ава.
«Чна къецепатан уьлквейрин базарриз акъудзавай, республикада гьасилзавай жуьреба-жуьре суьрсетдин кьадар артухарун патал кIвалахзава. Алай йисан сифтегьан кьве вацра чна Узбекистандиз – куьлуь карч алай гьайванрин як, Азербайжандизни Узбекистандиз – балугъар, Къиргъизистандиз дуьгуь рекье туна. Международный базарда чи суьрсет виридалайни пара маса къачузвайди яз амукьзава», — лагьана А. Абдулмуслимова.
Гегьеншдиз РД-дин Гьукуматдин сайтдай кIелиз жеда.
Агьмед Магьмудов
