20-октябрдилай 26-октябрдалди Дагъустандин рекьера 31 ДТП хьана. Нетижада 7 кас кьена ва 39 касдиз (абурукай 3 аял я) жуьреба-жуьре хасаратвилер хьана.
Республикадин МВД-дин госавтоинспекциядин къуллугъчийри машинар гьалзавайбуруз рекьера къайдайрал амал авуниз эвер гузва.
Алай йисан 9 вацран муддатда Дагъустанда аварияр хьуникди 200-далай гзаф ксар уьмуьрдивай хьанва. Рекьера арадал къвезвай нагьакьан гьаларихъ галаз алакъалу яз и йикъара РД-дин Гьукуматда кьиле фейи совещанидал веревирдер авуна. Къейд авурвал, республикадин рекьера жезвай чIуру дуьшуьшрин вилик пад кьунин жигьетдай серенжемар артухарнава. ГьакI ятIани, ДТП-яр тахьун гьар са водителдин къанажагълувилелай гзаф аслу я.
«Лезги газет»
