Вичин ери-бине Ахцегьай тир машгьур спортсмен, дуьньядин кесерлу майданра вичин устадвал къалурзавай, алай вахтунда Азербайжандин командадин патай экъечIзавай Жабраил Гьажиева и йикъара мад са гъалибвал — Азербайжандин чемпионвилин тIвар — къазанмишна.
Бакуда кьиле фейи акъажунра 79 кг-дал къведалди заланвал авайбурун арада финалда Жабраил Гьажиеваз Азербайжандай тир Фарид Жаббаров 5:1 гьисабдалди кумукьна.
РикIел хкин: Ж. Гьажиев 2018-йисалай Азербайжандин патай экъечIзава. Ам 21 йисал къведалди яшара авайбурун арада дуьньядин ва Европадин чемпионатрин, международный хейлин турниррин гъалибчи я.
«Лезги газет»
