Сенатор Сулейман Керимова Россиядин Игит Саид Ибрагьимоваз 5 миллион манатдин сертификат гана. Идан гьакъиндай вичин телеграм-каналда РД-дин Госдумадин депутат Хизри Абакарова хабар гана.
«Сенатор ва зи дуст Сулейман Керимова Дагъустандин 19 лагьай Россиядин Игит хьанвай Саид Ибрагьимоваз баркаллу тIвар тебрикна ва адаз 5 миллион манат гудай къарар кьабулна», – кхьизва Х. Абакарова.
Саид Ибрагьимов исятда дяведин махсус серенжем кьиле физвай мулкара ава, гьавиляй адахъ галаз кьилди гуьруьшмиш жедай мумкинвал авачир. Тайинарнавай кьадар пул адаз рекье тунва.
Саид Ибрагьимов Дахадаев райондай я.
«Лезги газет»
