Алатай йисан октябрдин вацра гьар йисуз мектебра кIел­завай аялрин арада тешкилзавай Вирироссиядин сочиненийрин конкурс кьиле фена. Шад же­дай кар ам я хьи, уьлкведин дережадин и конкурсда СтIал Сулейманан райондин Герей­ха­нован хуьруьн Р. Османован тIвар­­цIихъ галай юкьван мектебда 5-классда кIелзавай Ифриз Балабеговади 3-чка кьуна.

Ифриза конкурсдиз рекье тунвай вичин кIвалахда лезгийрин бажарагълу шаир, хейлин йисара «Лезги газетдин» редакциядин эдебиятдин отделдин редактор яз кIвалахай Мердали Жалилован «Бубадин шинель» ва «Фу» поэмайрин бинедаллаз Ватандин ЧIехи дяведин тема ачухарнавай.

Чна Ифризаз ва адан муаллим, Герейханован хуьруьн Р. Османован тIварцIихъ галай юкь­ван мектебда дидед чIа­­лан­ тарсар гузвай Сегьерхалум Османовадиз конкурсда кIвен­кIвечи чка кьун мубаракзава ва идалай кьулухъ мадни еке агалкьунар хьун алхишзава.

Чи  мухбир