30-апрелдиз Докъузпара райондин Мискискарин хуьруьн ДЮСШ-да  Ватандин ЧIехи дяведа къачур Гъалибвилин йикъаз талукьарнавай азаддиз кьуршахар кьунай хуьруьн кIвенкIвечивал патал турнир кьиле фена. Акъажунра тренерар тир Д.Нуриеван, М.Мирзоеван, М.Майсарован, С.Мурадханован гъилик вердишвилер къачузвай жегьилри иштиракна.

Санлай къачурла, турнирда жуьреба-жуьре заланвилин дережайрай Мискискарин 63 спортсменди иштиракна.

Акъажунрин нетижада тешкилатчийри агалкьунар хьайибуруз грамотаяр ва дипломар гана. Къейд ийин, турнирдиз къаюмвал авурбур жегьил спортсменрин тренерар-насигьатчияр я.

«Лезги газет»