27-июндиз Ахцегь райондин Хуьруьгрин хуьре 2002-2003-йисара дидедиз хьайи рушарин арада волейболдай районрин турнир кьиле фена.

Жегьилрин йикъаз талукьарна кьиле тухвай турнирдин макьсадар Кьиблепатан Дагъустанда рушарин волейбол машгьур авун, спортдин устадвал хкажун, спортсменрин арада дуствилин алакъаяр мягькемарун, сагълам уьмуьр таблигъ авун я.

Финалдин паюниз Кьурагьрин ва Ахцегьрин командаяр акъатна. Къизгъин къугъунрин нетижада Ахцегьрин командади сад лагьай чка кьурагьрив вуганач. Икl, 1-чка Ахцегьрин, 2-чка Кьурагьрин ва 3-чка Мегьарамдхуьруьн райондин рушарин командади кьуна.

Вири командаяр кубокралди, медалралди ва грамотайралди къейдна.

«Лезги газет»