Мегьарамдхуьруьн райондин Оружба хуьре кьве мертебадин кlвалери цlай кьуна. Чlуру агьвалатдикди са инсандин бедендиз зарар хьана. Идакай «Лезгияр» милли порталди хабар гузва.

Цlай хкадарун патал Россиядин МЧС-дин РД-да авай кьилин управленидин патай 8 къуллугъчи ва 2 техника желбна.

Нетижада цlай тамамвилелди тергна. Цlай кьур чкадин умуми майданди 150 квадратдин метр тешкилзава.

«Лезги газет»