Алай йисан 19-апрелдиз Дербент шегьерда Кьиблепатан Дагъустандин юкьван мектебра вири вадар аваз кIелзавай аялрин кьвед лагьай слет кьиле фида. Мярекат жемиятдинни сиясатдин машгьур деятель, меценат Мамед Абасован куьмекдалди Кьиблепатан Дагъустандин жегьилрин союзди тешкилзава.
Слетда Кьиблепатан Дагъустандин районринни шегьеррин юкьван мектебра 11-классра вири вадар аваз кIелзавай аялриз иштиракдай мумкинвал ава.
Иштиракиз кIанзавайбуру Слетдин положенида къалурнавай анкета (ам винидихъ тIвар кьур союздин телеграм-каналда чапнава) ацIурна, чпин райондин ва я шегьердин образованидин управленидиз агакьарна кIанзава. Гуьгъуьнлай образованидин управленийри Слетдин положенидал асаслу яз, 1-апрелдалди союздин электронный адресдиз (mol.yuzhdag@mail.ru) заявкаяр рекье тун лазим я.
Виридалайни хъсандиз кIелзавай аялрив Слетдал пулдин пишкешарни багьа савкьатар вахкуда.
«Лезги газет»
