Кьурагьа, спортсменар, тренерар шад гьалара кьабулуниз талукьарна, ифтар кьиле тухвана. Ихьтин хъсан адетдик кьил кутунвайди, галаз-галаз гила пуд йисуз ам тешкилзавайди Чечнядин вакъиайрин, алай вахтунда Украинада кьиле физвай махсус серенжемдин иштиракчи, «Жуьрэтлувиляй» ордендин кавалер Фахрудин Гьамидов я.
Макьсад спортсменрин, гьам ветеранрин, гьамни жегьилрин, тренеррин руьгь хкажун, абуруз гьуьрмет авун, акьалтзавай несил ватанпересвилин руьгьдаллаз тербияламишун тир и мярекатдал райадминистрациядин ва спортдин тешкилатрин векиларни рахана. Абуру спортсменринни тренеррин тIварарихъ чими келимаяр, районда – спорт, гьакI кесерлу майданра гъалибвилер къазанмишуналди район машгьур авунай сагърай лагьана. Ф. Гьамидова абуруз грамотаяр ва пулдин пишкешар гана.
Чими келимаяр ам тешкилунай кIватI хьанвайбуру Ф. Гьамидован тIварунихъни лагьана. Хъсан крарик кьил кутазвай гьар са касдилай къуй Аллагь рази хьурай, абурун берекатарни Аллагьди артухаррай!
Р. Рамалданова
