Мукьвара Дербент шегьерда газопроводда давление виниз акъатуникди са итимдин бедендиз хасаратвал гана. РД-дин энергетикадин ва тарифрин министерстводин пресс-къуллугъди хабар гайивал, яшайишдин кIвалера, газ себеб яз, хъиткьинунар арадал атана, бязи кIвалери цIаяр кьуна.
Ведомстводи малумарнавайвал, газопроводда давление виниз акъатун тайинар тавунвай инсанри газ сад хьиз финал гуьзчивалдай пунктунин (ГРП) тIапIарар кукIварунихъ галаз алакъалу ийизва. Авариядин гьалар арадал атуникди кьве кIвали цIаяр кьуна. Са кIвалин иесидин гъилер кана.
Вахтуналди газдикай хкуднавай 1,5 агъзур абонент ва яшайишдинни коммунальный метлебдин 7 идара авай. Газопровод къайдадик кухтунин кIвалахар кьиле тухузва.
Дагъустандин прокуратуради агьвалатдиз талукь ахтармишунар кьиле тухузва.
«Лезги газет»
