Алай вахтунда мектебар акьалтIарнавай аялар вузрик, колледжрик экечIиз гьазур жезва. Чна чпихъ хайи чIалай, эдебиятдай хъсан чирвилер авай жегьилриз ДГПУ-дин Дагъустандин филологиядин факультетдик экечIуниз эвер гузва.
Малум тирвал, эхиримжи йисара ДГУ-дани ДГПУ-да хайи чIал чирзавай факультетрик экечIзавайбурун кьадар хейлин тIимил хьанва. Са кьадар йисар арадай фейила, чи мектебра дидед чIал чирдай муаллимар кьит жеда. Ша чна и кардин вилик пад кьан, лезги чIал хуьн ва чалай кьулухъ къвезвай несилрални агакьарин.
ДГПУ-дин Дагъустандин филологиядин факультетдик экечIун патал урус чIалайни обществознанидай ЕГЭ-яр вахкана кIанзава. Хайи чIалай алава имтигьан университетда вахкузва. Мектебар акьалтIарнавайбурулай гъейри, колледжар куьтягьнавай жегьилрихъни и факультетдик экечIдай мумкинвал ава.
Документар 20-июлдилай кьабулзава. Герек малуматар, 88722-67-09-49 нумрадиз зенгна, хабар кьаз жеда.
«Лезги газет»
