Мегьарамдхуьруьн районда чкадин ад­министрациядин кьил Нариман Эфендиеван тапшуругъдалди хуьрерин агьалияр дурумлудаказ электричестводалди таъминарун патал герек тир серенжемар кьабулзава.

Муниципалитетдин кьили къейд авурвал, мукьвал-мукьвал эквер хкатзава лугьуз, администрациядиз хуьрерин агьалийрилай гзаф арзаяр къвезва. Арадал атанвай гьалар къайдадик кухтун патал пешекарри эквер виридалайни пара хкатзавай чкаяр тайинарнава ва анра кIвалах кьиле тухузва.

Мегьарамдхуьруьн райондин администрациядин пресс-къуллугъди хабар гузвайвал, 2025-йисан ноябрдилай инихъ муниципалитетдин мулкара бюджетдинбур тушир ва меценатри чара авунвай пулдин такьатрин гьисабдай маса къачунвай трансформаторрин­ подстанцияр кардик ку­тазва.

Къенин юкъуз Мегьа­рамдхуьр, Вини­ Тагьирхуьр,­ Тагьирхуьруьн-Къаз­маяр, При­­морский, ЦIийихуьр, Чахчар-Къаз­ма­яр­, Ярагъ-Къаз­маяр хуь­рера – са-сад­, Кчун-Къазмайрал 2 трансфор­матор кардик ку­тунва.­ Нетижада и хуьрера мукь­вал-мукьвал эквер хкатза­вай дуьшуьшрин ва агьалийрилай къвезвай наразивилин арзайрин кьадар тIимил хьанва.

Нариман Эфендиева­ къейд авурвал, эквер хкатунин месэла гьялна акьал­­тIарун патал муниципалитетдин ад­ми­нист­рацияди «Россети» ПАО-дихъ ва жа­вабдар маса идарайрихъ галаз санал кIвалахун давамарзава.

Чи  мухбир