2026-йисан апрелдиз Россельхознадзордин Дагъустан Республикада авай Управленидин пешекарри хуьруьн майишатдин суьрсет вахтуналди хуьдай гьамбарханада карантиндинни фитосанитариядин гуьзчивал тухудайла, къецепатан уьлквейрай гъанвай ва чпикай зиянкар гьашаратар жагъай (чи уьлкведин мулкунал гъун къадагъа авунвай) 255 тонн емишрикайни майвайрикай ибарат 15 партия суьрсет дуьздал акъудна.
Лабораториядин ахтармишунри рангунин келемрик ва истивутрик, партахалрик, чуьхверрик, ичерик, помидоррик гьар жуьредин зиянкар гьашаратар квайди тестикьарна.
Азар акатнавай вири партияр садакай масадак акатдай и зиянкаррикай михьдай чкадиз рекье тунва. Анжах лазим серенжемар ва кьвед лагьай сеферда ахтармишунар авурдалай кьулухъ и суьрсетдилай къадагъа алудна.
Саида Мурадова
