(Эвел — 2023-йисан 45-50-нумрайра, 2024-йисан 2-9, 14-15, 19-20, 22-33, 35-40, 47,48-нумрайра,
2025-йисан 2,7, 13-15, 17-18-нумрайра)
ГъвечIи лишанар №№ 116, 117, 118 ва 119
Вагьши гьайванар, чан алачир затIар рахун; къамчидин кьил (эхир) рахун; кIвачин къапарин багъар рахун; инсанди ютурди адаз адан хизандикай хабарар гун
(…) Кьве лишан — итимдихъ галаз адан къамчидин кьил рахун ва адан ютурди адаз хабар гун адан хизанди авур крарикай — а крар гьелелиг кьилиз акъатнавач. Аллагьдиз хъсан чида! Амма и вакъиаяр, са шакни алачиз, кьиле фида. ГьикI лагьайтIа, и кардикай вичиз Аллагьдин патай вагьй атанвай Аллагьдин Расулди (Аллагьдин салават ва салам хьуй вичиз) хабар ганва.
И гьадис ахтармишнавай бязи алимри лагьанвайвал, къамчидин къерех, кIвачин къапарин багъ ва инсандин ютур рахуни чи асирда цIийиз арадал гъанвай затIар лишанламишзава: алакъадин алатар — мобильный телефонар, яб гун патал кардик кутазвай махсус алатар ва масабур, чпи яваш сесер, чинебан ванерни агакьарзавай.
ГьакIни бязибуру къейднавайвал, гьадисдихъ якъин метлеб ава: яни гьакъикъатда инсандихъ галаз къамчидин кьил, кIвачин къапарин багъ ва инсандин ютур рахада — гьакъикъи каламдалди… Аллагьдиз хъсан чида!
(КьатI ама. Мугьаммад ибн Абдуррагьман аль-Арифидин ктабдай).
Гьазурайди — диндин алим
Ямин Мегьамедов
