ЦIийи ктабар
Махачкъалада «Мавел» издательствода филологиядин илимрин кандидат Абил Межидован «Фейзудин Нагъиеван прозадин поэтикадин кьетIенвилер» ктаб акъатнава (урус чIалал). Ф. Нагъиеван гзаф терефрин яратмишунрин жанрайрин ва поэтикадин кьилдин месэлаяр са кьадар авторрин критикадин макъалайра ва илимдин кIвалахра веревирд авунва. Амма адан яратмишунра важиблу чка кьазвай прозадин эсерриз ахтармишдайбуру икьван чIавалди са акьван фикир ганвачир. А. Межидован ктабда писателдин повестрин, гьикаяйрин, хкетрин, рекьерин дневникрин поэтика, проблематика, художественный кьетIенвилер сифте яз дериндай ва вири патарихъай ахтармишнава.
Литературадин отдел
