Гьеле алатай йисан зулухъай Дагъустандин Кьил Владимир­ Васильеван теклифдалди кьил кутунвай экологиядин “Къацу километрияр” серенжем Дербент райондани кьиле фена.

И карда райондин кьил Мегьамед Желилова ва вири хуьрерин векилри  иштиракна.

ИкI, федеральный шегьредик акатзавай рекьерин къерехра ва хуьрериз хквезвай рекьерин къерехра къелемар цана.

Белиж поселокдани и мярекатда активнидаказ анин кьил ­Рамиз Гьабибулаева, школайрин директорри, работникри, агьалийри иштиракна.

Федеральный шегьредай поселокдиз хквезвай рекьин къерехда — 100, поселокдин Хпеж микрорайондиз хквезвай рекье ва кьилин куьчеда цуцун 110 къелем цана, яд гана, абурун танар киреждай асунна.

Кьиле тухвай кlвалахдин нетижаяр кьур Рамиз Гьабибулаева­ общественный кlвалахра иштиракай виридаз сагърай лагьана­.

Къагьриман Ибрагьимов