Дагъустандин энергетикадин ва тарифрин министерстводин пресс-къуллугъди хабар гузвайвал, 2026-йисуз яшайишдиз хиляй кьезилвилер (льготы) талукь республикадин агьалийриз федеральный «Социальная газификация» программадин бинедаллаз гьукуматдин патай пулдин куьмек чара авун давам жеда.
Вилик йисара хьиз, цIийи йисузни агьалийривай субсидийрин такьатрихъ кIвал газдалди таъминарун патал герек къвезвай шейэр маса къачуз жеда.
Къейд ийин хьи, субсидиядин кьадарди 100 агъзур манатдилай тIимил тушиз тешкилда.
И куьмекдикай нивай менфят къачуз жеда?
гзаф аялар авай хизанривай;
агьвал авачир хизанривай;
СВО-дин иштиракчийривай ва абурун хизанривай;
сад лагьай группадин набутривай;
набут аялрихъ гелкъвезвай агьалийривай;
Ватандин ЧIехи дяведин ветеранривай.
Министерстводин пресс-къуллугъдин делилралди, 2026- йисуз Россияда винидихъ тIвар кьур программадин бинедаллаз агьалийриз пулдин куьмек гуниз 1 млрд манат такьатар чара ийида.
Агьмед Магьмудов
