«Дагъустандин команда»
РД-дин Кьилин везифаяр вахтуналди тамамарзавай Фёдор Щукина кар алакьдай пешекарар желбунин мураддалди арадал гъанвай «Дагъустандин команда» программадин кIвалах давам жезва.
И йикъара «Дагъустандин командадиз» къуватлу 9 пешекар мад алава хъхьана. Ф. Щукинан телеграм-каналда хабар ганвайвал, суьгьбетар кьиле тухвайдалай кьулухъ 10-дакай 9 кас республикадин кадрийрин резервдик акатна.
«Гзафни-гзаф зи фикир желб авур кар ам я хьи, иштиракайбурукай садни гьакъикъибур тушир планрикай ва я гуьрчегдиз гьазурнавай гьахъ-гьисабрикай раханач. Гьар сад дуьм-дуьз теклифар гваз атана: ЖКХ, энергетика, образование, здравоохранение, спорт», – кхьенва Фёдор Щукинан тг-каналда.
Суьгьбетар кьиле тухуз атай кандидатрикай бязибуру чпи идалай виликни и жуьредин конкурсра иштиракайдакай ва чпин чирвилерни тежриба садазни герек татайдакай ихтилатна.
Чи мухбир