И йикъара Каспийскда панкратиондай Дагъустандин кIвенкIвечивал патал  21 йисал къведалди яшара авай жегьилрин арада акъажунар кьиле фена. Ана республикадин жуьреба-жуьре пипIерай тир спортсменри чпин устадвал къалурна.

Чи ватанэгьли, Махачкъалада «Old school fighters» клубда тренер Артур Мегьамедован гъилик устадвал хкажзавай Исамудин Агьмедова 93 кг-дилай виниз заланвал авайбурун арада 1-чка кьуна. Гила ада СКФО-дин кIвенкIвечивал патал акъажунриз гьазурвал аквада.

РикIел хкин, алатай йисуз чи ватанэгьлиди ММА-дай Россиядин кIвенкIвечивал патал акъажунра буьруьнждин медаль къазанмишнай.

Рагнеда Рамалданова