И йикъара Сулейман-Стальский райондин И.Тагьирован тlварунихъ галай медениятдин дараматдин гъвечlи залда «Чlехи бубадин гъалибвал – зи гъалибвал» тlвар алаз аялрин суьретрин конкурс кьиле фена.

Ватанпересвилин тербия гунин программадин сергьятра аваз ва Гъалибвилин суварихъ галаз алакъалу яз кьиле фейи конкурс тешкилайбур райондин образованидин управление я.

Конкурсдиз райондин мектебрин 5-9-классра к1елзавайбурун 17 кlвалах (суьретар) къалурнавай. Жегьил художникри Ватандин Чlехи дяведа къазанмишай Гъалибвилин югъ гьарда вичин жуьреда суьретра къалурнавай.

Гъалиб хьайибурузни приздин чкаяр кьурбуруз муниципалитетдин образованидин управлениди грамотаяр гуда.

«Лезги газет»