Россиядин здравоохраненидин ми­нистерстводи уьлкведин регионра­­­18 ва адалай виниз яшара авай агьа­лийрин арада пIапIрус чIуг­ваз­вай­бурун кьадар чируниз­ талукь яз тухузвай ахтар­ми­шунрин алай вац­ран майдин нетижаяр раижнава. ПIапIрус чIуг­вазвай­бурун кьадар тIи­мил тир регионрик Да­гъус­танни акатзава.

ИкI, раижнавай делилрал аслу яз, Дагъларин­ уьл­­­кведин 8,8 процент агьа­лийри пIапIрус чIуг­ваз­ва. Уьлкведа пIапIрус виридалайни тIимил чIуг­ваз­вай регионрин сиягьда 1-чкадал Чечня ала. Анин анжах зур процент агьалийрик  и чIуру хесет ква. И сиягьда­ Чукоткадин автономный округ (1,35 %) – 2, Краснодардин край (4,6 %) – 3 ва  Ингушетияни (6 %) 4-чкайрал ала.

Россиядин здравоохраненидин министерстводин делилралди, и чIуру хесетдихъ галаз женг чIугвазвай, гьа са вахтунда сагълам уьмуьр кьиле тухун пропаганда ийизвай регионра ам чIуг­вазвайбурун кьадар тIимил я.

Чи мухбир