Чилин гьар са участокдихъ са ва я са шумуд хиле ишлемишунин ихтияр авай (ЕГРН-да къалурнавай) дережа жезва. Санлай къачурла, абур 14 категория ава. Чилин участокар хуьруьн майишат, яшамиш жедай кIвалер, промышленность, улакьар ва маса хилер патал ишлемишиз жезва.

Чилин участок ишлемишунин ихтиярар дегишариз кIанзавайбурувай са жерге документар гваз МФЦ-диз физ жеда: арзачидин паспорт; чилин участокдин хсусиятчивилин ихтиярар тестикьарзавай документар; эгер чилихъ са шумуд хсусиятчи аватIа, вирибурун патай разивал; чил ишлемишуниз ва эцигунриз талукь къайдайрин идарадай выписка (ам МФЦ-да заказ ийиз жеда).

Арзадиз вацран муддатда килигзава. Кар туькIвей дуьшуьшда чилин сагьибдив цIийи шагьадатнама ва я ЕГРН-дай цIийи делилар авай выписка вахкузва. Къейдзавайвал, эгер чил кирида вуганвайди ятIа, иесидин патай  разивал хьана кIанда.

И къуллугъни гьавая кьилиз акъудзавайбурук акатзава.

Чи мухбир