Самур

Саламалейк — алексалам! —

Лезги чилин язва макьам.

Самур вацIун лепейрив гваз

Квез саламар ракъурзава.

 

Къарасудин къайи ятар

Лап Земземдиз язва ухшар.

Ша Самурдиз, азиз дустар,

Гзаф кIанда чаз мугьманар.

 

Лезги халкьдин язва дамах

Самур патан къацу тамар.

Берекатлу бахтлу чилел

Вил эцигмир вуна, душман.

 

Самурвияр — чун са хизан,

Самур дере язва макан.

Самурдин яд я чи дарман.

Вун — чи арха, азиз Ватан.

Альбина Расулова, 6-классдин ученица

Гатфар

Гатфари, мад зенг ягъиз,

ТIебиатни уяхна.

Кьуьзуь чилиз ранг ягъиз,

Жегьил хъийиз алахъна.

 

Хважамжамдин рангарни

Яна цавун са патаз.

Къацу жеда чIурарни,

Мукьвал-мукьвал марфар къваз.

 

Мад ви гъиле кар жеда,

Чиникни хъвер, берекат.

Пелел атир, гар жеда,

Шад зегьметдик — гьерекат…

Разият Бабаханова, 6-классдин ученица