15-майдиз Сулейман-Стальский райондин Герейханован хуьруьн ктабханада Дагъустандин халкьдин шаир Стlал Сулейманан хайи йикъан къаршидиз «Шаирдин кьисмет» тlвар алай эдебиятдин межлис кьиле фена.

Мярекатдиз хуьруьн мектебда кlелзавай аялриз теклифнавай. Ктабханадин заведующий Э. Рустамовади школьникриз шаирдикай, адан яратмишунрикай суьгьбетна.

Межлисдиз талукь яз «Къад лагьай асирдин Гомер» лишандик кваз ктабрин выставкани тешкилнавай.

Эдебиятдин меэлисдин вахтунда школьникри шаирдин хейлин шиирар фасагьатдаказ, устаддаказ кlелна, адан эсеррин бинедаллаз гъвечlи сегьнеярни къалурна.

«Лезги газет»