Квез чидани?

.  БалкIанар виридалайни гзаф Китайда ава.

.  БалкIанривай гьа са вахтунда са вил са патахъ, муькуь вил муькуь патахъ элкъуьриз жезва.

.  Чилел яшамиш жез­вай гьайванрикай бал­кIанар акьуллубур яз гьи­сабзава.

.  БалкIанрин гъавурда авай пешекардивай абурун яшар сарарин гьалдай тайинариз жезва.

.  БалкIанри анжах нерай нефес къачузва­. Сивяй нефес къачун тийиз­вайвиляй абу­рухъ гзаф мензилдиз чукуриз жедай такьат амукьзава.

.  И гьайванар кIва­чин кьилел ахвар ийидайбур я.

.   БалкIанриз чIижерихъай кичIеда.

.   И гьайванрин вилериз гзаф хъсандиз аквада.

.  БалкIандин рикI 4-5 килограммдин залан я.

.  Гзаф халкьари бал­кIан пак гьайван яз гьисабзава.

.  Дуьньяда балкIан­рин жинсер 160 ава. Абур саки вири инсанривай вердишариз жезва.

.   БалкIанри ширин за­тIар­ рикI алаз неда.

.  Чуьлда азад бал­кIан­дивай йикъан вахтунда 100 кг-див агакьна векь нез жеда.

. БалкIанрин кIа­рабар мягькембур я, амма хайи чка геждалди сагъ хъжедач.

.  Гатун вахтунда чIехи бал­кIанри са юкъуз саки 60 литр яд хъун мумкин я.

.   Нек хъвадай вири гьайванрикай виридалайни еке вилер авайди балкIан я.

.   Яшамиш жезвай шартIарилай аслу яз, балкIанрин уьмуьр юкьван гьисабдалди 25-30 йисакай ибарат я.

«Лезги газет»