Рутул райондин Хъуьлуьдрин хуьруьн агьали, райондин полициядин органра кIвалахзавай Лежберов Зугьрабан 7 йиса авай руш Фируза велосипеддал алаз куьгьне хуьруьхъай хквезвай. Хуьруьн юкьвай фенвай муькъвел агакьайла, ам Фулфан вацIуз аватна.
И хабарсуз дуьшуьшдал расалмиш хьайи Талутов Талута, Алиев Амрида сел атанвай вацIу тухузвай аял къутармишна ва тади гьалда “Самур” медцентрадиз агакьарна. Духтурри чпивай жедай вири куьмекар гана, аялдин гъил ханвайди малум хьана, ам гипсда туна. Гила ам сагъ-саламат яз кIвале ава.
Ихьтин викIегьвал авур хуьруьнвийриз ва духтурриз аялдин чIехи буба, пенсионер Тажир, баде Эминат, Зугьраб ва аялдин диде Фаина Лежбероври, мукьва-кьилийри гзаф кьадар сагърай лугьузва.
Саидагьмед Абдурашидов
