Кьурагь райондин кьил Замир Азизован теклифдалди муниципалитетди СВО-дин зонадиз нубатдин сеферда недай-хъвадай суьрсет, яшайишда герек къведай жуьреба-жуьре затIар рекье тунва.
Райондин администрациядин пресс-къуллугъди хабар гузвайвал, аскерриз рекье твазвай затIар кIватIунин карда муниципалитетдин администрацияди, дишегьлийрин Советди, КЦСОН-ди, Кьурагьрин 1-нумрадин, Штулрин, КьепIиррин мектебри, КIирийрин школади-интернатди, «Движение первых» гьерекатди, са жерге маса идарайри, жергедин агьалийри активнидаказ иштиракна.
«Гьар юкъуз чпин уьмуьр хаталувилик кутаз, Ватан хуьзвай кьегьалриз куьмек гун гьикьван важиблу ятIа чаз хъсандиз чизва. Чи рикIер абурухъ галаз санал ала ва абуру и кар гьиссун патал чун гьамиша куьмек гуз гьазур я», – лагьана Кьурагь райондин дишегьлийрин Советдин председатель Эльмира Исаевади.
Чи мухбир
