И йикъара Сулейман-Стальский райондин Сардархуьруьн ктабханадин заведующий Лаура Шабановади кlелчияр патал Алкьвадар Гьасан-эфендидин музейда экскурсия тешкилна. И гьакъиндай «Лезги газетдиз» Сулейман-Стальский райондин администрациядин пресс-къуллугъди хабар гузва.
Аялри хайи ерийрин тарихдиз, халкьдин тlвар-ван авай, лайихлу векилриз ийизвай итиж артух авунин, жуван халкьдин медениятдин ирс чирунин мураддалди тешкилай мярекат аялриз гзаф хуш хьана.
Экскурсиядин вахтунда аялриз Дагъустандин нуфузлу муаллим, философдикай, шаир ва общественный деятель Алкьвадар Гьасанакай, ада илимдин рекье авур марифатлу кlвалахрикай ихтилатна. Аялар ина авай экспонатризни дикъетлудаказ килигна.
Гуьгъуьнлай абуру хуьруьн Алкьвадрин хуьре сейр авуна, инин мулкарихъ галаз таниш хьана.
«Лезги газет»
