24-мартдиз республикада урус чIалай государстводин Асул имтигьан тешкилунин региондин апробация кьиле фена. Апробацияди ОГЭ-2026 кампаниядин асул пай алукьдалди вилик вердишвилер къачунин серенжемрин жерге давамарна.

Ахтармишунин, яни вердишвал къачунин серенжемдал республикадин имтигьанар кьиле тухудай 154 чка (ППЭ)  желбна. Ахтармишунин имтигьан 9-классрин ученикрин иштираквал аваз кьиле фена. Абурув имтигьанрин нетижаяр агакьарда. Урус чIалай ахтармишунин имтигьанда иштиракун патал 46495 касдилай арзаяр агакьна.

Асул вахтунин имтигьанар башламишдалди­, региондин ихьтин, яни вердишвилер къачунин мад кьве имтигьан, 6 ва 7-апрелдиз кьиле тухуда.

Амина Муслимова