Чна идалай виликни хабар гайивал,­ июндиз Ульяновскда ММА-дай кьиле­ фейи FIGHT NIGHTS чемпионатда  гзаф заланвал авайбурун арада къизилдин­ медаль къазанмишай, вичин ери-бине СтIал Сулейманан райондин Агъа СтIал­дилай тир Казбек Сайидалиев (финалда адаз Ульяновскдай тир тежрибалу спортсмен Омар Алиев кумукьнай)  и йикъара райадминистрацияда шад гьалара къаршиламишна.

Райондин кьил Саид Темирханова чем­пион­диз агалкьун тебрикна, спорт вилик тухуник ва акьалтзавай несил ватанпересвилин руьгьдаллаз тербияламишуник­ пай кутунай адаз сагърай лагьана. ГьакIни районда аялринни жаванрин спорт вилик тухунин месэлаяр веревирдна.