Ахцегь районда кардик квай «Женгинин стхавал» карханадиз къадим Дербент шегьердай дяведин махсус серенжемдин активный иштиракчи Муртузалиев Арсен атанвай. Адан макьсад райондин «Женгинин стхавал» карханадин векилрихъ галаз Донбассдин чилел Ватандин итижар хуьзвайбуруз гузвай куьмекдин сергьятар гегьеншарун тир.

Арсен Муртузалиев чи кьегьал хва я.  Ада Украинадин цIийи фашистар терг авунин карда викIегьвилелди иштиракна. Залан хер хьайидалай гуьгъуьниз хайи Ватандиз хтанвай ада вичин вилик везифа эцигна: махсус серенжемда амай вичин юлдашриз жуьреба-жуьре рекьерай куьмек гун.

«Женгинин стхавал» карханада Муртузалиевахъ галаз хуш гуьруьш кьиле фена. Карханадин регьбер Руслан Сулейманова мугьмандин тIварцIихъ хуш келимаяр лагьана. «Женгинин стхавал» карханадин векилар кьве сеферда Донбассдиз аскерриз гьар юкъуз герек къвезвай шейэр гваз фена. Гилани Ватандин итижар хуьзвай аскерриз нубатдин куьмек гьазурзава.

Таня  Сулейманова